პარიზში აღმოსავლეთ ევროპის უსაფრთხოების თემაზე საერთაშორისო სამეცნიერო კონფერენციაში პარლამენტის ვიცე-სპიკერი, პარტია „ევროპელი დემოკრატების“ ლიდერი პაატა დავითაია მიიღებს მონაწილეობას.

ის კონფერენციაზე საქართველოს ოკუპირებული ტერიტორიების შესახებ მოხსენებით გამოვა.

როგორც „ნიუსპრესს“ „საქართველოს ევროპელი დემოკრატებიდან“ აცნობეს, სამეცნიერო კონფერენცია 4 დღე გაგრძელდება.

დავითაია პარიზში ევროპის საბჭოს იურიდიული კომიტეტის სხდომას დაესწრო.

„ევროპელი დემოკრატების“ ლიდერი საფრანგეთის დედაქალაქში სამუშაო ვიზიტით 3 დღის წინ გაემგზავრა და საქართველოში 27 მაისს დაბრუნდება.