პარტია „დემოკრატიული მოძრაობა-ერთიანი საქართველო“ მახაჩყალაში ტერაქტის შედეგად გარდაცვლილთა ოჯახებს სამძიმარს უცხადებს.
„ტერორიზმთან ბრძოლა თანამედროვე მსოფლიოს ერთ-ერთ პრიორიტეტად რჩება. ეს არის თანამედროვე მსოფლიოს „შავი ჭირი“, რომელიც ბოლო წლების მანძილზე სულ უფრო და უფრო მეტ უდანაშაულო ადამიანს უსწრაფებს სიცოცხლეს“ - აცხადებენ მოძრაობაში.
როგორც „ნიუსპრესს“ „დემოკრატიული მოძრაობიდან“ აცნობეს, მოძრაობა ღრმა მწუხარებას გამოთქვამს 12 ადამიანის გარდაცვალების გამო, დაშავებულებს კი - მალე გამოჯანმრთელებას უსურვებს.
მახაჩყალაში ორი აფეთქება წუხელ მოხდა, მას 12 ადამიანის სიცოცხლე ემსხვერპლა.
