ჩრდილოატლანტიკური ალიანსი კოლექტიური თავდაცვის პრინციპის ერთგული რჩება. აღნიშნული განცხადება აშშ-ს სახელმწიფო მდივნის თანაშემწემ
ევროპისა და ევრაზიის საკითხებში თინა ქეიდანაუმ გააკეთა.
ქეიდანაუმ აშშ-ს კონგრესის წარმომადგენელთა პალატის საგარეო საქმეთა კომიტეტისა და ქვეკომიტეტის წინაშე სიტყვით გამოსვლისას, ავღანეთზე საუბრის დროს, ამ პრინციპისადმი ნატო-ს ერთგულება კიდევ ერთხელ დაადასტურა.
მისი განცხადებით, მნიშვნელოვანია ალიანსის მოდერნიზაცია და პარტნიორებთან ნატო-ს ურთიერთობა.
აქედან გამომდინარე, ქეიდანაუს თქმით, ჩიკაგოს სამიტზე მკაფიო განცხადება გაკეთდება არაწევრი პარტნიორი ქვეყნების ალიანსისკენ სწრაფვის მხარდასაჭერად.
ბოლო 13 წლის განმავლობაში ნატო-ს სამიტი აშშ-ში პირველად ჩატარდება.
