საქართველო-მონღოლეთს შორის სამთავრობო მოლაპარაკებები იწყება. პირველი რაუნდი 27 აპრილს ჩატარდება.
საგარეო საქმეთა მინისტრის მოადგილის ნინო კალანდაძის განცხადებით, შეხვედრაზე ორი ქვეყნის თანამშრომლობისთვის მნიშვნელოვანი საკითხები გამოიკვეთება.
პირველ რაუნდზე განსაკუთრებული ყურადღება საქართველოს მიერ კორუფციის სფეროში გატარებული რეფორმების მხრივ მიღებული გამოცდილების გაზიარებას დაეთმობა.
"მონღოლურმა მხარემ დღის წესრიგში ეს საკითხი თავისი სურვილით დაამატა" - აღნიშნა კალანდაძემ.
