„რესპუბლიკური პარტიის“ ლიდერის დავით უსუფაშვილის განცხადებით, ბიძინა ივანიშვილს ხელისუფლებამ მოქალაქეობა არ მისცა, მაგრამ ამან ვერ შეაფერხა პარტიის დაფუძნება.
ჟურნალისტებთან საუბარში დავით უსუფაშვილმა განაცხადა, რომ კოალიციაში შემავალი პარტიები პარტნიორები არიან და ყრილობის დეტალებზე ისინი ინფორმირებული იყვნენ.
უსუფაშვილი ასევე მიიჩნევს, რომ პარტიის პოლიტიკურ საბჭოში ღირსეული ხალხი შეირჩა.
„ჩვენი ერთი დიდი გუნდი ვართ და ერთად შევძლებთ ხელისუფლება არჩევნებზე შევცვალოთ“ - განაცხადა დავით უსუფაშვილმა.
