ქრისტიან-დემოკრატები შემოდგომაზე წინასაარჩევნო კამპანიას საპრეზიდენტო და პრემიერ-მინისტრობის კანდიდატების დასახელებით დაიწყებენ.
ამის შესახებ "ნიუსპრესს" ქრისტიან-დემოკრატების ერთ-ერთმა ლიდერმა ლევან ვეფხვაძემ განუცხადა.
ვეფხვაძე ჯერჯერობით არ აკონკრეტებს ვინ იქნებიან ქრისტიან-დემოკრატების პრეზიდენტობის ან პრემიერ-მინისტრობის კანდიდატები, თუმცა აცხადებს, რომ ამ საკითხზე კონსულტაციები უკვე დაწყებულია.
"საარჩევნო კამპანიის დაწყებისას, ჩვენი კანდიდატები მოსახლეობის მიმხრობას იმ კონკრეტული იდეებით შეეცდებიან, რასაც ქრისტიან-დემოკრატიული ღირებულებები ჰქვია" - აღნიშნა ლევან ვეფხვაძემ.
მისივე განმარტებით, პრეზიდენტობის კანდიდატი პარტიის ლიდერი გიორგი თარგამაძე არ იქნება. " ჩვენი პრეზიდენტობის კანდიდატი შესაძლოა არაპარტიული სახეც იყოს" - დასძინა ვეფხვაძემ.
