საქართველოს პარლამენტის თავმჯდომარის მოადგილე, გიორგი ბარამიძე სამუშაო ვიზიტით ამერიკის შეერთებულ შტატებში გაემგზავრა.

ვიზიტის ფარგლებში ბარამიძე შეხვედრებს ამერიკის შეერთებული შტატების სენატისა და კონგრესის წევრებთან, ეროვნულ-დემოკრატიული ინსტიტუტის (NDI) და საერთაშორისო რესპუბლიკური ინსტიტუტის (IRI) ხელმძღვანელობასთან გამართავს.

6-7 დეკემბერს კი, ვიცე-სპიკერი ტრანსატლანტიკური ურთიერთობების შესახებ, „ევროპა-ამერიკის მე-4 ფორუმზე“ სიტყვით გამოვა.

ვიზიტის ფარგლებში გიორგი ბარამიძე შეხვედრას გამართავს ასევე ამერიკის შეერთებული შტატების არასამთავრობო და აკადემიური წრეების წარმომადგენლებთან.