ცენტრალურ საარჩევნო კომისიას ამ დროისთვის, საპარლამენტო არჩევნებისთვის გახსნილი უბნების 99,87%-ის მონაცემები აქვს დათვლილი.

3 766 უბნიდან უკვე ცნობლია 3 761 უბნის შედეგი.

აღნიშნული შედეგის მიხედვით, საარჩევნო ბლოკი „ბიძინა ივანიშვილი - ქართული ოცნება“ 54,88%-ით ლიდერობს, „ერთიან ნაციონალურ მოძრაობას“ კი - ხმათა 40,39% აქვს.

ელექტორატის ხმების 2,04% მიიღო „ქრისტიან-დემოკრატიულმა გაერთიანებამ“, ხოლო „ლეიბორისტულმა პარტიამ“ - 1,24%.

ამასთან, დასათვლელად დარჩენილია 5 საარჩევნო უბნის მონაცემები.

საპარლამენტო არჩევნების საბოლოო შედეგები 18 ოქტომბრისთვის უნდა გახდეს ცნობილი.