პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის
თავმჯდომარის მოადგილედ კომიტეტის წევრებმა ანა ბუჩუკური აირჩიეს. ანა ბუჩუკურის კანდიდატურა კომიტეტს უფრაქციო დეპუტატებმა წარუდგინეს. ფრაქცია „ერთიანი ნაციონალური მოძრაობის" დასახელებულმა კანდიდატმა - ეკა ხერხეულიძემ აღნიშნულ თანამდებობაზე უარი განაცხადა.

კომიტეტის თავმჯდომარის, მიხეილ სარჯველაძის განმარტებით, ანა ბუჩუკურს აქვს ადამიანის უფლებათა დაცვის მიმართულებით მდიდარი გამოცდილება მთავრობის ადმინისტრაციაში, შინაგან საქმეთა სამინისტროსა და იუსტიციის სამინისტროში მუშაობის განმავლობაში.

პარლამენტის რეგლამენტის თანახმად, კომიტეტის თამვჯდომარის ერთ-ერთი მოადგილე საპარლამენტო ოპოზიციიდან აირჩევა.