საქართველოში დაგეგმილი საპარლამენტო არჩევნების დემოკრატიულად ჩატარების მნიშვნელობაზე ისაუბრეს „ევროპელი დემოკრატების“ ლიდერმა პაატა დავითაიამ
და არასამთავრობო ორგანიზაცია IRI- ს ევრაზიის მიმართულების რეგიონალურმა დირექტორმა შტეფან ნიქსმა.
„საერთაშორისო რესპუბლიკური ინსტიტუტის“ ხელმძღვანელობა დაინტერესდა რამდენად სამართლიანი და თანაბარი პირობებია შექმნილი წინასაარჩევნო პერიოდში პოლიტიკური პარტიებისთვის.
ამერიკული მხარე ხაზგასმით აღნიშნავს, რომ 1 ოქტომბრის საპარლამენტო არჩევნები საქართველოსთვის გამოცდაა, რომელზეც დამოკიდებული იქნება ქვეყნის დემოკრატიული განვითარება და საერთაშორისო საზოგადოების მხარდაჭერა.
პაატა დავითაია აშშ-ში ვიზიტს განაგრძობს. ვიზიტის ფარგლებში დაგეგმილია შეხვედრები ამერიკელ სენატორებსა და კონგრესმენებთან.
