თურქეთის ტერიტორიაზე მდებარე ქართული ისტორიული ძეგლების რესტავრაციასთან დაკავშირებით საქართველოსა და თურქეთს შორის შეთანხმება ჯერ არ არსებობს.
როგორც დღეს საგარეო საქმეთა მინისტრის მოადგილემ ნინო კალანდაძემ განაცხადა, ამ მიმართულებით ტექნიკურ, იურიდიულ და შინაარსობრივ დეტალებზე მუშაობა მიმდინარეობს. საუბარია იშხნისა და ოშკის რესტავრაციაზე.
მისი თქმით, ბევრი საკითხია, რომელზეც მხარეები ვერ თანხმდებიან და სამუშაო პროცესი გრძელდება.
