ამომრჩეველთა სიების დაზუსტების უზრუნველყოფის კომისიის თავმჯდომარე მამუკა კაციტაძე ხვალ მცხეთა-მთიანეთის რეგიონალურ წარმომადგენლობაში გასვლით შეხვედრას გამართავს.
როგორც "ნიუსპრესს" ამომრჩეველთა სიების დაზუსტების კომისიიდან აცნობეს, კაციტაძე რეგისტრატორთა რეგისტრაციის პროცესს ადგილზე გაეცნობა.
რეგისტრატორთა რეგისტრაცია 25 თებერვლიდან "კარდაკარის" პროექტის ფარგლებში ხორციელდება და ის 7 მარტამდე გაგრძელდება.
ამომრჩეველთა სიების დაზუსტების უზრუნველყოფის კომისიის წევრები მსგავს შეხვედრებს მთელი საქართველოს მასშტაბით გამართვენ. დღეს კაციტაძე ამ მიზნით ქვემო ქართლს სტუმრობდა.
