„ერთიანი ნაციონალური მოძრაობის“ საბურთალოს რაიონის მაჟორიტარი დეპუტატობის კანდიდატი ანდრია ურუშაძე იაშვილის სახელობის ბავშვთა რესპუბლიკურ საავადმყოფოს ეწვია და ქირურგიულ განყოფილებაში მოთავსებული 3 წლის პაციენტი მოინახულა.
მან პაციენტის მშობლებთან ჯანდაცვის ხელმისაწვდომობასა და დაზღვევის სახელმწიფო პროგრამაზე ისაუბრა.
მისი განმარტებით, აღნიშნული პროგრამის მიხედვით, სახელმწიფო სექტემბრიდან ქვეყნის მასშტაბით 6 წლამდე ასაკის ბავშვებს და ყველა პენსიონერს დააზღვევს, რაც მისი თქმით, მნიშვნელოვანი შეღავათი იქნება მოსახლეობისთვის.
