2019 წლის 29 ოქტომბერს, საქართველოს მთავრობა და ევროკავშირის წარმომადგენლობა საქართველოში ოფიციალურად გახსნიან "განათლება დასაქმებისთვის" (Skills4Jobs) პროგრამის მეორე ფაზას, რომლის ფარგლებშიც ევროკავშირი €48.85 მილიონ ევროს გამოჰყოფს დასაქმების, ცოდნა-უნარების განვითარებისა და შრომის ბაზრის საინფორმაციო სისტემაში მიმდინარე რეფორმების მხარდასაჭერად. ღონისძიებას დაესწრება საქართველოს პრემიერ-მინისტრი, ბ-ნი გიორგი გახარია.

ღონისძიება გაიმართება სსიპ გლდანის პროფესიული მომზადების ცენტრში (მის.: თბილისი, გლდანი, მე-5 მკ/რ, ხიზანიშვილის ქუჩა (იხ. რუკა)
ღონისძიების დროს განცხადებებს გააკეთებენ:
ბ-ნი კარლ ჰარცელი, ევროკავშირის ელჩი საქართველოში
მიხეილ ბატიაშვილი - განათლების, მეცნიერების, კულტურისა და სპორტის მინისტრი
ქ-ნი თამილა ბარკალაია, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე
ბ-ნი გიორგი ვაშაკიძე, განათლების, მეცნიერების, კულტურისა და სპორტის მინისტრის მოადგილე.
ქ-ნი მარიამ ჯაში, საქართველოს პარლამენტის განათლების, მეცნიერებისა და კულტურის კომიტეტის თავმჯდომარე.
ქ-ნი თამარ ხულორდავა, საქართველოს პარლამენტის ევროპასთან ინტეგრაციის კომიტეტის თავმჯდომარე.
ოფიციალური განცხადებებისა და პანელური დისკუსიების გარდა ღონისძიებაზე წარმოდგენილი იქნება "განათლება დასაქმებისთვის" პროგრამის სხვადასხვა კომპონენტები; ასევე მოეწყობა პროფესიული საგანმანათლებლო დაწესებულებებისა და დასაქმების სერვისების ინტერაქტიული გამოფენა.

გახსნას საქართველოს მთავრობის, დოპლომატიური კორპუსების, საერთაშორისო დონორი ორგანიზაციებისა თუ ადგილობრივი პარტნიორების 150 წარმომადგენელი დაესწრება.
პროგრამა- "განათლება დასაქმებისთვის" - 13:30 საათზე გაიხსნება.

დამატებითი ინფორმაციისთვის მიმართეთ:
თამარ კვარაცხელიას, 592887886,tamar.kvaratskhelia@landell-mills.com 
ქეთი კიკნაველიძე, 599040612, , ketevan.kiknavelidze@landell-mills.com