საქართველოს პრემიერ-მინისტრმა, მამუკა ბახტაძემ ამერიკის შეერთებულ
შტატებში სამუშაო ვიზიტი დაიწყო.
პირველი შეხვედრა მან თეთრ სახლში, ამერიკის შეერთებული შტატების პრეზიდენტის მრჩეველთან ეროვნული უსაფრთხოების საკითხებში/ეროვნული უშიშროების საბჭოს მდივან, ჯონ ბოლტონთან გამართა.
პრემიერის პრესსამსახურის ინფორმაციით, შეხვედრაზე აღინიშნა, რომ საქართველო-ამერიკის სტრატეგიული ურთიერთობა არასდროს ყოფილა პარტნიორობის ასეთ მაღალ დონეზე. დაფიქსირდა აშშ-ის მტკიცე მხარდაჭერა საქართველოს ტერიტორიული მთლიანობის, სუვერენიტეტისა და საგარეო-პოლიტიკური მისწრაფებების მიმართ.
შეხვედრაზე, ასევე, განიხილეს, როგორც ორმხრივ ურთიერთობაში არსებული ყველა მნიშვნელოვანი საკითხი, ისე რეგიონალური გამოწვევები.
