საქართველოს პრემიერ-მინისტრის, მამუკა ბახტაძის განცხადებით, მოქალაქეები, რომლებიც პირადობის ელექტრონულ მოწმობას ფლობენ, საქართველოდან უკრაინაში და პირიქით მოგზაურობის უფლება ექნებათ.
ამის შესახებ ბახტაძემ დღეს გამართულ ბრიფინგზე განაცხადა.
„ჩვენ მივიღეთ გადაწყვეტილება და ჩვენ მეგობარ ქვეყანა უკრაინასთან ორმხრივი ურთიერთობის საფუძველზე ჩვენ შევძლებთ და პირადობის ელექტრონული მოწმობების მფლობელ მოქალაქეებს უფლება ექნებათ ორივე ქვეყნის მხრიდან იმოგზაურონ როგორც საქართველოში, ასევე უკრაინაში. ეს არის ძალიან მნიშვნელოვანი ნაბიჯი, რომ ორმხრივი ურთიერთობა კიდევ უფრო გავაძლიეროთ. ამავე დროს ეს დაეხმარება ტურიზმის განვითარებას, ისევე როგორც ეკონომიკური თანამშრომლობის კიდევ უფრო გაღრმავებას. ამასთანავე, ჩვენ ვიხილავთ ანალოგიური მიდგომის გამოყენებას სხვა ქვეყნებთან მიმართებით და უახლოეს მომავალში გაცნობებთ ამ საკითხთან დაკავშირებით დამატებით ინფორმაციას“- განაცხადა ბახტაძემ.