კოალიცია „ქართული ოცნების“ ლიდერის ბიძინა ივანიშვილის განცხადებით, საქართველოს 5 რეგიონში, სადაც კოალიციას ჯერ მაჟორიტარი  კანდიდატები არ წარუდგენია, მათ უახლოეს დღეებში დაასახელებს.

ამის შესახებ ივანიშვილმა დღეს თბილისის მაჟორიტარი კანდიდატების წარდგენისას განაცხადა.

მისი თქმით, „ქართულ ოცნებას“ მოლოდ 5 საარჩევნო ოლქში არ ჰყავს კანდიდატი დასახელებული - ზუგდიდში, მარნეულში, ახალქალაქში, ნინოწმინდასა და ცაგერში. კოალიციამ კანდიდატები სამ რაიონში უკვე შეარჩია, ორზე კი - მსჯელობა გრძელდება.