ქალაქ ახალციხის მე-5 საბავშვო ბაღს, ახალციხის მუნიციპალიტეტის მერის პირველი მოადგილე გურამ მელიქიძე, კულტურის სამსახურის ხელმძღვანელი ზაზა თამარაშვილი და სკოლამდელი აღზრდის დაწესებულების დირექტორი მარინა მერაბიშვილი ესტუმრნენ, სასკოლო მზაობის ჯგუფს საჩუქრად წიგნები გადასცეს და აღსაზრდელებს წიგნის საჯაროდ კითხვის მსოფლიო დღე მიულოცეს.

სპეციალურად ამ დღისადმი მიძღვნილ ღონისძიებაზემერიის კულტურის სამსახურის ხელმძღვანელმა ზაზა თამარაშვილმა და სახალხო მთქმელმა ვასილ კვინცხაძემ პატარებს ზღაპრები და ლექსები წაუკითხეს.

ქალაქის მერიის პრესსამსახურის ინფორმაციით, წიგნის კითხვის კვირეულის ფარგლებში, ღონისძიებები ახალციხის მუნიციპალიტეტის სხვა საბავშვო ბაღებშიც გაიმართება, მათი მიზანი აღსაზრდელებში წიგნის კითხვის პოპულარიზაციაა.