ივანე ჯავახიშვილის სახელობის თბილისის სახელმწიფო უნივერსიტეტში საერთაშორისო სავალუტო ფონდის მმართველი დირექტორის მოადგილე მინ ჟუ სტუდენტებისა და პროფესორ-მასწავლებლებისთვის საჯარო ლექციას წაიკითხავს.
ამის შესახებ ინფორმაციას თსუ-ის პრესსამსახური ავრცელებს.
ლექციის თემა - „გლობალური ეკონომიკა - სავალუტო ფონდის ხედვები“ იქნება.
ღონისძიებას თსუ-ის რექტორი ალექსანდრე კვიტაშვილი და ფინანსთა მინისტრი დიმიტრი გვინდაძე დაესწრებიან.
დღეს ფინანსთა სამინისტროსა და საერთაშორისო სავალუტო ფონდის ინსტიტუტის ეგიდით ფინანსთა სამინისტროს აკადემიაში სასწავლო კურსი გაიხსნა. საერთაშორისო სავალუტო ფონდის მმართველი დირექტორის მოადგილის საჯარო ლექცია თბილისის სახელმწიფო უნივერსიტეტში სწორედ ამ სემინარის ფარგლებშია დაგეგმილი.
