ფინანსთა მინისტრის დიმიტრი გვინდაძის განცხადებით, საქართველოში ბოლო 12 თვის განმავლობაში ინფლაციამ 3,5% შეადგინა, რაც საკმაოდ დაბალი მაჩვენებელია.

მინისტრის ვარაუდით, წლის ბოლოს ინფლაცია 5,6% იქნება, რაც ბიუჯეტის ცლილებების პროექტშიც არის ასახული.

ეს განცხადება გვინდაძემ დღეს პარლამენტის საფინანსო-საბიუჯეტო კომიტეტის სხდომაზე გააკეთა. ფინანსთა მინისტრმა პარლამენტის საფინანსო-საბიუჯეტო კომიტეტს 2012 წლის ბიუჯეტის პროექტში ცვლილებები წარუდგინა.

მან სავალუტო რეზერვების მოცულობაზეც ისაუბრა და განაცხადა, რომ ბოლო წლებში ქვეყნის საერთაშორისო სავალუტო რეზერვების მოცულობა თანმიმდევრულად იზრდება და 2012 წლის მარტის მდგომარეობით, 2 მლრდ 800 მლნ-ია.