საქართველოს სტატისტიკის ეროვნულმა სამსახურმა მაისის თვის ინფლაციის გაანგარიშების პირველი ეტაპი დაიწყო.

როგორც „ნიუსპრესს“ საქსტატიდან აცნობეს, კვლევის მიზანი საქართველოში 2012 წლის მაისის ინფლაციის დონის დადგენაა.

ფასებს 19 რეგისტრატორი საქართველოს ხუთ ქალაქში - თბილისში, ქუთაისში, ბათუმში, გორსა და თელავში დააკვირდება. მონაცემები 1 300 სავაჭრო და მომსახურების ობიექტზე შეგროვდება.

საველე სამუშაოები 20 მაისის ჩათვლით ჩატარდება. მაისის ინფლაციის მაჩვენებელს საქსტატი მიმდინარე წლის 4 ივნისს გამოაქვეყნებს.