საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია იაპონელ ჟურნალისტებს მასპინძლობს.
სამინისტროს ინფორმაციით, უცხოელი ჟურნალისტები საქართველოში სუამის ტურისტული პროექტის ფარგლებში ჩამოვიდნენ.
პროექტის მიხედვით, იაპონური მედიის წარმომადგენლები ორგანიზაციის წევრ 4 ქვეყანაში - აზერბაიჯანში, საქართველოში, უკრაინასა და მოლდოვაში იმოგზაურებენ.
საქართველოში ვიზიტის ფარგლებში ისინი თბილისს, კახეთს, მცხეთას, გორსა და ყაზბეგს მოინახულებენ.
სტუმრები საქართველოს 10 მაისს დატოვებენ.
