ევროპის უსაფრთხოებისა და თანამშრომლობის ორგანიზაციის ეგიდით, 12-14 მაისს, ბათუმში კონფერენცია სახელწოდებით - „ეკონომიკური თანამშრომლობისა და სტაბილურობის ხელშეწყობა ეუთო-ს რეგიონში“ გაიმართება.

კონფერენციას საქართველოს პრეზიდენტი მიხეილ სააკაშვილი დაესწრება.

პრეზიდენტის პრესსპიკერის მანანა მანჯგალაძის განცხადებით, ღონისძებაში მონაწილეობას მიიღებს 40 ქვეყნის 200-მდე წარმომადგენელი, მათ შორის პარლამენტარები და დიპლომატები.

„კონფერენციის ძირითადი მიზანი ეკონომიკური თანამშრომლობის გაღრმავება და თანამედროვე ტენდენციების გაზიარებაა. მონაწილეები ეუთო-ს რეგიონში არსებულ გამოწვევებს და ამ მიმართულებით ეკონომიკურ სიახლეებს გაეცნობიან“ - აღნიშნა მანჯგალაძემ.

მისი თქმით, მისასალმებელი ფაქტია, რომ კონფერენციის ჩატარების ადგილად საქართველო, ბათუმი შეირჩა.