საქართველოს სავაჭრო სამრეწველო-პალატა და სამხრეთ კორეის სავაჭრო პალატა თანამშრომლობას იწყებენ.
საქართველოს სავაჭრო სამრეწველო-პალატის პრეზიდენტმა კახა ბაინდურაშვილმა და სამხრეთ კორეის სავაჭრო პალატის ხელმძღვანელმა დონგ გეუნ ლიმ დღეს თანამშრომლობის მემორანდუმს მოაწერეს ხელი.
მემორანდუმი საქართველო-სამხეთ კორეის ბიზნესფორუმის ფარგლებში გაფორმდა.
საქართველო-სამხრეთ კორეის ბიზნესფორუმი დღეს „ქორთიარდ-მარიოტში“ გაიხსნა. ფორუმში ორივე მხრიდან ენერგეტიკის, ჯანდაცვის, ინფრასტრუქტურის, განათლებისა და თანამედროვე ტექნოლოგიების სფეროში მოღვაწე 100-ზე მეტი ბიზნესმენი მონაწილეობს.
ფორუმის მიზანი ორი ქვეყნის ბიზნესსექტორის წარმომადგენლებს შორის საქმიანი ურთიერთობის დამყარება და ერთობლივი პროექტების განხორციელებაა.
ფორუმის ფარგლებში, ბიზნესმენთა ორმხრივი შეხვედრები და საინვესტიციო პროექტების განვითარების მიზნით სემინარები გაიმართება.
