ევროკავშირი საქართველოს 18 მლნ ევროს გამოუყოფს. შეთანხმება ამის თაობაზე ვიცე პრემიერ-მინისტრმა გიორგი ბარამიძემ და ევროკომისარმა შტეფან ფულემ გააფორმეს.
აღნიშნული თანხიდან, 16 მლნ ევრო სახელმწიფო ბიუჯეტში მიიმართება, ხოლო 2 მლნ ევრო ტექნიკური დახმარების პროექტების განხორციელებას მოხმარდება.
შეხვედრაზე ბარამიძემ და ფულემ საქართველო-ევროკავშირის ურთიერთობებსა და "აღმოსავლეთ პარტნიორობის" ფარგლებში თანამშრომლობის განვითარების პერსპექტივებზეც ისაუბრეს.
