2025 წელს, საქართველოში 11 მილიონი საერთაშორისო ვიზიტის განხორციელება იგეგმება.
შემოსავლები საერთაშორისო ტურიზმიდან კი 6,6 მილიარდ აშშ დოლარს მიაღწევს, 7.9%-ამდე გაიზრდება ტურიზმის წილი მშპ-ში, - ამის შესახებ ტურიზმის ეროვნული ადმინისტრაციის ხელმძღვანელმა, მარიამ ქვრივიშვილმა, ტურიზმის სექტორის წარმომადგენლებთან გაფართოებულ ფორმატში შეხვედრაზე განაცხადა.
ადმინისტრაციის ხელმძღვანელმა ტურიზმის სფეროში განათლება/კადრების გადამზადების, ბაზრების დივერსიფიცირების, საქართველოს როგორც 4 სეზონიანი ტურისტული მიმართულების მქონე ქვეყნის განვითარების, ტურისტებისთვის მაღალი ხარისხის მომსახურების შეთავაზების შესახებ ისაუბრა.
მარიამ ქვრივიშვილმა ტურიზმის 2025 წლის სტრატეგია მიმოიხილა. მან რამდენიმე საკითხი გამოყო, მათ შორის: 8 სტრატეგიული მიმართულება, 50 პრიორიტეტული აქტივობა,110 განსახორციელებელი ღონისძიება.
შეხვედრას კერძო სექტორის 350-ზე მეტი წარმომადგენელი დაესწრო. მათ შორის იყვნენ: ტურისტული კომპანიების, ავიაკომპანიების, განთავსებისა და კვების ობიექტების, ასევე ტურისტული ინდუსტრიის სხვა წარმომადგენლები.
