ფინანსთა მინისტრი ივანე მაჭავარიანი დღეს საბაჟოს საერთაშორისო დღისადმი მიძღვნილ ღონისძიებას გახსნის.
მსოფლიო საბაჟო ორგანიზაციის (WCO) წევრ 182 საბაჟო ადმინისტრაციასთან ერთად ფინანსთა სამინისტროს შემოსავლების სამსახური წელს პროფესიულ დღეს აღნიშნავს სლოგანით: „სწრაფი და მოქნილი საზღვრები შეუფერხებელი ვაჭრობის, მგზავრობისა და ტრანსპორტირებისთვის.”
ღონისძიება თბილისის გაფორმების ეკონომიკური ზონაში, გარდაბნის მუნიციპალიტეტის სოფელი მარტყოფში გაიმართება და ის 18:00 საათზე დაიწყება.
